Skip to main content

Proiektuak

Nekazaritza eskola

Zaurgarritasun egoeran dauden pertsonak nekazaritza eta abeltzaintza sektorean modu teoriko eta praktikoan formatzen eta gaitzen dituen eskola. Ikasleek formakuntza teorikoa jaso ondoren ordainpeko praktikak egiten dituzte HENASE-ko ekoizleen etxaldeetan.

Helburua da Hernaniko 1go sektorearen ekoizpen gaitasuna handitzea, eta horretarako ekoizle berriak trebatzea ezinbestekoa da.

Lehenengo edizioa 2023an egin zen eta 30 pertsona inguru pasa ziren formakuntza-moduluetatik. Horietatik 6-k bukatu zuten formakuntza eta 4-k lana aurkitu zuten sektorean. Bi pertsonek beraien egoera administratiboa erregularizatzea lortu dute proiektu honi esker.